Genta përjashtohet nga Festivali i RTSH-së

Ishte thënë më herët se këngëtarja Genta Ismajli është duke u bërë gati për pjesëmarrjen e saj në Festivalin e Këngës në Radiotelevizionin Shqiptar, por menaxheri i Gentës ka pohuar të kundërtën. John Goci, menaxher i këngëtares, ka pohuar se Genta as kësaj radhe nuk do të mund të jetë pjesë e këtij festivali, pavarësisht dëshirës së saj.

Sipas tij, kompozitori që kishte shkruar këngën me të cilën Genta Ismajli do të paraqitej në këtë kompeticion, nuk ishte shqiptar, gjë që e ka penalizuar këngëtaren kosovare, e cila prej kohësh bashkëpunon edhe me të huaj, me qëllim që të prekë tregun internacional të muzikës.

Sipas rregullores, në mënyrë që ajo të marrë pjesë në Festivalin e Këngës në RTSH kompozitori i këngës duhet të jetë medoemos shqiptar. /zëri/