Rosela: Ethet.., kulmi i suksesit tim

Shkodranja Rosela Gjylbegu është një ndër zërat më të bukur të muzikës shqiptare.

Ndër vite ajo i ka dhuruar publikut interpretime të bukura, ndërsa gjithçka ka filluar rastësisht, kur ajo ishte 11-vjeçare dhe në një manifestim zëvendësoi shoqen që mungonte.

Në vitin 2003 Roselës i jepet një mundësi e mirë për të shfaqur talentin e saj: pjesëmarrja në “Ethet e së premtes mbrëma”, një konkurs që synonte zbulimin e zërave të rinj e dimensionimin e tyre në histori suksesi.

Ky spektakël në një mënyrë i ndryshoi jetën Roselës dhe i dha mundësi për të treguar vlerat dhe talentin vokal për të cilin ajo çmohet shumë.

Këtë vit, Rosela i rikthehet festivalit ``Kënga magjike``, ku në edicionin e vitit 2009 fitoi çmimin e parë në duet me Eliza Hoxhën me këngën “Rruga e zemrës”./zhurnal/